Եուքաթ, կամ Քրիստոնէականը` բացատրուած երիտասարդներուն - Զրոյց յիսունվեցերորդ – Ներմուծման
խորհուրդները – 3
Հարցում թիւ 204. Ի՞նչ կ՛ըսէ Սուրբ Գիրքը Դրոշմի խորհուրդի մասին։Հին Կտակարանին մէջ արդէն` Աստուծոյ ժողովուրդը կը սպասէր հեղման ու գալստեան Սուրբ Հոգւոյն` Մեսիային վրայ։ Յիսուս` իր բոլոր կեանքի ընթացքին, ապրեցաւ սէրն ու կատարեալ միութիւնը իր երկնաւոր Հօր հետ, յատկապէս Հոգւոյն միջոցաւ։ Յիսուսի այս Հոգին` ՙՍուրբ Հոգին՚ էր, որուն կը սպասէր Իսրայէլի ժողովուրդը. Նոյն այդ Հոգին է որ Յիսուս խոստացաւ իր աշակերտներուն, նոյն Հոգին որ իջաւ իրենց վրայ Զատկէն յիսուն օր ետք, Պենտեկոստէի օրը։ Դարձեալ Յիսուսի այդ նոյն Սուրբ Հոգին է որ կ՛իջնէ ամէն անոնց վրայ որոնք կ՛ընդունին Դրոշմի խորհուրդը։
Գործք Առաքելոցին մէջ, որուն գրութեան թուականը Յիսուսի մահուընէ մի քանի տասնեակ տարիներ ետք կարելի է դնել, կը տեսնենք արդէն Պետրոս եւ Յովհաննէս Առաքեալները ՙդրոշմի շրջապտոյտի՚ մէջ. Երկուքն ալ իրենց ձեռքերը կը դնեն նոր քրիստոնեաներու գլխուն վրայ, որով անոնք միայն մկրտուած էին Յիսուսի անունով, որպէսզի անոնց սրտերը լեցուէին Սուրբ Հոգիով։
| All the contents on this site are copyrighted ©. |